أنا في كلية طب و بحب واحدة زميلتي في الكلية وهي كمان بتحبني و أحنا
الإتنين إتفقنا علي الخطوبة خلاص و تمّت الخطوبة بالفعل ... هي أصرّت إن
الخطوبة تتعمل في البيت عندها و أنا ما أعترضتش عادي ... بس في الخطوبة
عملت تصرفات غريبة جدا ... يعني مثلا جابت البالطو بتاعها ولبسته وفضلت
ترقص بيه ... وبعديها لقيتها جايبة السماعة بتاعتها و عايزة ترقص بيها بلدي
كأنها عصاية مثلا زي اللي بيرقص بيها الصعايدة ... المهم أنا ما بقتش عارف
أعمل إيه خاصة إن الخطوبة كانت في البيت علي الضيق وكل أهلي شافو الموقف
ده قدامهم وكمان عمّاتي لقيتهم إتنرفزو ومشو وقالو إيه الهبل والمسخرة دي
... طبعا أنا عدّيت الموقف عشان الخطوبة تتم ... ولما روّحت أنا حسيت إن
اللي حصل كان هبل و كل أهلي كلموني ومش راضيين عن اللي حصل وبيقلولي أنت
رايح تخطب واحدة هبلة وأنت إزاي ما تعرف إنها كدا وحاجات من دي !
المهم أنا محتار دلوقتي مش عارف أكمّل معاها ولا أعمل إيه !؟
المهم أنا محتار دلوقتي مش عارف أكمّل معاها ولا أعمل إيه !؟
0 التعليقات:
إرسال تعليق